بەرزبوونەوەی نرخی گازۆیل ناڕەزایەتی لە قامیشلۆی لێکەوتەوە

وڵات تیڤی ـ هەولێر 

بەرزبوونەوەی نرخی گازۆیل لە 5 هەزار و 650 لیرەی سوورییەوە بۆ 9 هەزار و 750 لیرەی سووری، لە جزیرێ ڕۆژئاوای کوردستان ناڕەزایەتی لێکەوتەوە.

بەرزبوونەوەی نرخی گازۆیل بەڕێژەی نزیکەی 50% کاریگەری نەرێنی ڕاستەوخۆی لەسەر خەڵکی ناوچەکە هەبووە، وڵات تیڤی لەسەر تێڕوانینی خەڵکی شاری قامیشلۆ لەسەر ئەو بابەتە بڵاویکردەوە.

کاریگەرییە نەرێنییەکانی بەرزبوونەوەی نرخی گازۆیل لە کارتی گواستنەوە و پیشەسازی و بازاڕی قامیشلۆدا دیارە.

شوکری یوسف پسپۆڕی ئابووری بە وڵات تیڤی ڕاگەیاند، ئەم بڕیارە ناڕەزایی بەرفراوانی لێکەوتووەتەوە و ئەگەر پێویست بکات، ڕەنگە خۆپیشاندان ئەنجام بدرێت.

دوێنێ نرخی یەک لیتر گازۆیل لە جزیرێ ڕۆژئاوای کوردستان لە 5 هەزار و 650 لیترەوە بۆ 9 هەزار و 750 لیتر بەرزکرایەوە، ئەمەش دوای کۆبوونەوەی ئیدارەی سووتەمەنی و وەزارەتی نەوتی سووریا هات.