CENTCOM: Me bi hemahengî li gel Şamê 15 navendên DAIŞê têk birin
Welat TV - Hewlêr
Serkirdayetiya Navendî ya Emerîka CENTCOM ragihand ku hêzên wê bi hemahengî li gel hikûmeta Sûriyê operasyoneke berfireh li dijî rêxistina DAIŞ a terorîst li Başûrê Sûriyê ancam daye û 15 navendên wê têk birine.
CENTCOMê di daxuyaniyekê de got ku hêzên wê bi hemahengî li gel Wezareta Navxwe ya Sûriyê 15 navendên DAIŞê li Başûrê Sûriyê têk birin.
Daxuyaniyê diyar kir ku ew navend di navbera 24 – 27ê Mijdarê de li gundewarê Şamê hatine têkbirin û DAIŞê çek tê de veşartibûn.
Li gorî CENTCOMê, wan 130 top, çek û mayînên dijî tankan têk birin her weha hin madeyên hişbir dîtin.
Di vê derbarê de, Fermandarê CENTCOMê da zanîn ku ew rê nadin DAIŞÊ çalakiyên xwe nûjen bike û ew ê di şerê li dijî wê de berdewam bin.
Forces from U.S Central Command and the Syrian Ministry of Interior located and destroyed more than 15 sites containing ISIS weapons caches in southern Syria, Nov. 24-27.
— U.S. Central Command (@CENTCOM) November 30, 2025
Read more: https://t.co/6N53AhiYye