8 kes li gundewarê Helebê hatin girtin

Welat TV - Hewlêr

8 kes ku tê gotin, endamên rêjîma Esed a hilweşandî ne li gundewarê Helebê hatin girtin.

Wezareta Berevaniya Sûriyê ragihand ku, wan 8 endamên rêjîma Esed a hilweşandî li nêzîkî Dêr Hafirê li Rojhilatê Helebê girtin.

Li gorî wezaretê wan her 8 kesan dixwestin bi qaçaxî derbasî deverên di bin kontirola HSDê de bibin.

Wezaretê got jî, ew ê wan girtiyan radestî aliyên pêwendîdar bikin ji bo encamdana lêkolînan û rêkarên pêwîst.

Heta niha tu zaniyarî li ser hurgiliyên girtina wan kesan û nasnameya wan ji aliyê wezareta Berevaniyê ve nehatine belavkirin.