Kesûkarên girtiyên HSDê xwepêşandanek li Dirbêsiyê li dar xist

Welat TV - Hewlêr 

Bi dehan kesûkarên girtiyên HSDê yên li cem hikûmeta Sûriyê bo qonaxa veguhêz xwepêşandanek li Dirbêsiyê li dar xist.

Îro, 3yê Gulana 2026an, bi dehan kes ji malbat û kesûkarên girtiyên HSDê xwepêşandanek li Dirbêsiyê li dar xist. Xwepêşanderan banga berdana girtiyan û çareserkirina doseya wan kir.

Duh li her yek, ji bajarên Hesekê, Qamişlo, Amûdê û Dêrikê xwepêşandan ji bo heman mebestê li dar ketin.

Di şerûpevçûnên di navbera HSD û hikûmeta Sûriyê de, zêdetirî 1000 endamên HSDê hatin girtin û çarenivîsa bi sedên din jî ne diyar e, piştî rêkeftina 29ê Çileyê hin girtî ji herdu aliyan hatin berdan li hîn çarenivîsa gelekan ne diyar e.