Nêçîrvan Barzanî pêşwaziyê li derxistina Sûriyê ji lîsteya welatên piştevan ji terorê re dike

  • 2026-08-25
Nêçîrvan Barzanî pêşwaziyê li derxistina Sûriyê ji lîsteya welatên piştevan ji terorê re dike

Welat TV - Hewlêr

Serokê Herêma Kurdistanê Nêçîrvan Barzanî pêşwazî li derxistina Sûriyê ji lîsteya Emerîka ya welatên piştevan ji terorê re, kir.

Nêçîrvan barzanî îro di daxuyaniyekê de ragihand ku ew pêşwaziyê li biryara Emerîka ya ku Sûriyê ji lîsteya welatên piştevan ji terorê re derxistî, dikin.

Serokê Herêma Kurdistanê da zanîn ku derxistina Sûriyê ji lîsteya welatên piştevan ji terorê re gaveke girîng e ji bo piştgiriya başbûn, seqamgîrî û pêşketina Sûriyê.

Nêçîrvan Barzanî got jî: Hêvîdar in ku ew gav alîkar be di avakirina pêşerojeke ewleh de ku tê de mafên hemû pêkhateyên Sûriyê parastî bin.

Nêçîrvan Barzanî her weha hêvî kir ku ew gav asoyên berfirehtir li pêş Sûriyê veke ji bo pêşxistina peywendiyan û berfirehkirina hevkariyê bi Iraq û Herêma Kurdistanê re.

 

 


KurdistanBarzanîSyriaUSA