Yekem daxwaza deskişandina ji kar di Encûmena Gel a Sûriyê de hate pesendkirin

Welat TV - Hewlêr

Yekem daxwaza deskişandina ji kar di Encûmena Gel a Sûriyê de hate pesendkirin.

Encûmena Gel îro ragihand ku daxwaza deskişandina ji kar a ku ji aliyê Muder Hemdan ve hatibû pêşkêşkirin, hate gengeşekirin.

Encûmenê diyar kir piştî wergirtina raporta komîteya ku hatibû raspardin ji bo şopandina gumanên li derdora Hemdan û bihîstina gotinên wî di vê derbarê de, wê li ser daxwaza deskişandina ji kar a Muder Hemdan erê kir.

Li gorî Encûmenê, wê li ser daxwaza deskişandina ji kar erê kir piştî rakirina hin gotinan ji nameya Hemdan.

Muder Hemdan ji aliyê serokê Sûriyê Ehmed Şeri´ ve di nava 70 kesî de li Encûmena Gel hatibû destnîşankirin, piştî destnîşankirina wî gelek çalakvan li dijî wî derketin û gotin, ew alîgirê rêjîma hilweşyayî bû.